• Басты бет
• Жаңалықтар

Жаңалықтар

• 03.04.2020 Жанында интернаты бар А.Үкібаев атындағы орта мектебінде пандемия кезеңінде коронавирустық инфекцияның таралуының алдын алу мақсатында қашықтықтан білім беру технологиялары негізінде оқу процесін ұйымдастыру бойынша жалпы ата- аналар жиналысы ұйымдастырылды. Тақырыбы: Біздің мектепте қашықтан оқыту қалай жүргізіледі? Мақсаты:Қашықтан оқыту туралы ата- аналарға ақпарат беру Жалпы ата- аналар жиналысына 220 ата ана қатысты. Оның ішінде 100 ата- ана zoom платформасы арқылы онлайн қатысса ,ал қалған 120 ата- ана WhatsApp құрылғысы арқылы онлайн қатысты. Күн тәртібіндегі мәселелер бойынша Мектеп директоры Садвакасова Роза Есламбековна жиналысты бастады. Оқу ісінің орынбасары Абикеева Анар Жумагазиевна мен ғылыми жөніндегі орынбасыры Сеилова Қызғалдақ Әбілқайықызы түсіндірме жұмысын жүргізді.
• 01.04.2020 1 сәуірде мектебіміздің мұғалімдері оқушыларға сынама сабақтар өткізді. Жанында интернаты бар А.Үкібаев атындағы орта мектепте қашықтықтан оқыту бойынша өткізілген сынама сабақтар туралы ақпарат. Білім және ғылым Министрлігінің 2020 жылғы 31 наурыздағы шығыс № 121 хаты негізінде ағымдағы жылдың 1 сәуірінде қашықтықтан білім беру технологияларын пайдалана отырып төмендегі кестеге сәйкес сынама сабақтар өтілді: Ағылшын тілі пәні мұғалімі Алдашев А.К. 9 «А»сыныбында «To be going to» тақырыбында өткізді. Мақсаты: • жаңа грамматикалық тақырыпты түсіне алады; • тапсырмаларды жеке орындай алады; • оны шынайы өмірде қолдана алады; Өткізу формасы: Zoom қосымшасы. Қазақ әдебиеті пәні мұғалімі Қ.Сеилова 10 сыныпта «Шерхан Мұртаза өмірі, шығармашылығы. «Бесеудің хаты» драмасы . (Кіріспе сабақ)» тақырыбында өткізді. Оқу мақсаты: 10.2.2.1 автор бейнесінің шығармадағы белгілі бір оқиғадағы көрінісін анықтау. Оқушыға бағытталған мақсаты: Қоғамдағы мәселелер арқылы кейіпкер бейнесін анықтайды. «Бесеудің хаты» драмасындағы хат авторлары жайлы біледі. Сабақ беру түрі: WhatsApp арқылы видео сабақ. Қазақ әдебиеті пәні мұғалімі А.Абикеева 8 сыныпта «Т.Ахтанов. Күй аңызы » тақырыбында өткізді. Оқу мақсаты: Әдеби шығарманың жанрына байланысты сюжеттік желілерін, эпилог, прологтарды анықтау. Оқушыға бағытталған мақсаты: Шығарманың жанрлық ерекшелігі мен сюжеттік желісін анықтайды. Сабақ беру түрі: WhatsApp арқылы видео сабақ. Ақпараттық – коммуникациялық технологиялар пәнінен 4 а сыныбында Абдрахманова Г. «Интернетке деректер жіберу» тақырыбында сабақ өткізді. Сабақ мақсаты : • Электронды пошта туралы түсінік; • Электронды поштаға тіркелу. Мұғалім ZOOM программасы арқылы онлайн шықты. Сабақ жақсы ұйымдастырылды. Мәтематика пәнінен 5 а сыныбында Дамер Б. «Пайыз» тақырыбында сабақ өткізді. Сабақ беру түрі: WhatsApp арқылы видео сабақ. Қазақ тілі мен әдебиеті пәні мұғалімі Г.Нурпеисова 6 ә сыныпта «Кітапхана және кітаптың маңызы » тақырыбында қазақ тілінен өткізді. Оқу мақсаты: Әлеуметтік –мәдени, ресми-іскери тақырыптарға байланысты диалог, монологтердегі көтерілген мәселені талдау. Сабақ беру түрі: WhatsApp арқылы видео сабақ. Бастауыш сынып мұғалімі Жунусова Гульжанат Масакбаевна 1А сыныбында «Дыбыстар мен әріптер» тақырыбында сауаташу пәнінен сабақ өткізді. Сабақтың мақсаты : • Тыңдалған материал бойынша өз пікірін айтады; • Әріп элементтерін калиграфиялық талаптарға сай жазады; • Дыбыс пен әріптің айырмашылығын түсінеді. Өткізу формасы: Zoom бағдарламасы арқылы жасалынған бейнесабақ түсірілімін ватсап желісінде өткізу.
• 28.03.2020 Құрметті ата-аналар! Сіздерден төтенше жағдай кезіндегі ұсыныстарды сақтау жөнінде балалармен түсіндіру жұмыстарын жүргізуіңізді өтінеміз
• 26.03.2020 Асхат Аймағамбетовтің ата-аналарға хаты Құрметті ата-аналар! Балаларымыздың көктемгі каникулы 16 наурызда басталды. Қазіргі кезде ата-аналардың басым бөлігі үйде жəне балаларға 21 күнге созылатын демалысты қызықты əрі пайдалы өткізуге көмектесе алады. Менің ұлым – төртінші сынып оқушысы. Өзі кітап оқығанды жақсы көреді. Мысалы, оқу жылы басталғалы «Робинзон Крузо», «Том Сойердің бастан кешкен оқиғалары», «Менің атым – Қожа», «Көшпенділер» трилогиясы кітаптарын бірге оқып шықтық. Сүйікті кітабымыз – «Капитан Гранттың балалары». Сондай-ақ ежелгі грек жəне мысыр мифтері мен аңыздарын қызыға оқып шықтық. Ата-аналардың балаларды кітап оқуға баулығаны өте маңызды. Егер бала Сіздің кітап оқып отырғаныңызды жиі байқайтын болса, өзі де қолына кітап алатын болады. Маған бала кезімде ғылыми фантастика жанрында жазылған туындылар ұнайтын. Айзек Азимовтың, Рэй Брэдберидің, ағайынды Стругацкийлердің, Клиффорд Саймактың, Роберт Хайнлайнның еңбектері қиялымды оятатын. Осы авторлардың туындыларын оқып, күні бойы хикаялардың мазмұнын ойлап жүруші едім. Осылайша, есейе келе, ғылыми əдебиеттерге деген қызығушылығым артты. Сондықтан, балаларды осы жанрға баулу өте маңызды деп ойлаймын. Бала күнде оқыған сүйікті туындыларыңызды балаларыңызға ұсынып көріңіздер. Ең бастысы, бала үйде кітапты неғұрлым көп оқитын болса, мектеп бағдарламасын соғұрлым жеңіл меңгеретінін ұмытпаңыздар. Кітап оқудан бөлек, отбасымен танымдық видеоларды қарауға болады. Мысалы, видеосабақтарды, тренингтер мен ғылыми тəжірибелерді, TED-конференцияларын жəне т.б. Біздің министрліктің сайтынан білім беру ресурстарының тізімін таба аласыздар. Айтпақшы, қазіргі кезеңде білім беруге бағытталған сайттарды пайдалану барысында трафик есептелмейді, яғни тегін болады. Ол үшін біз интернет провайдерлерімен келісім орнаттық. Бұл қосымша білім беру орталықтары, курстар мен секциялар жұмысын тоқтатқан кезеңде өте ыңғайлы болмақ. Сондай-ақ, бұл – балаларды онлайн-форматта білім алуға икемдеуге жақсы мүмкіндік, болашақта пайдасы тиетіні де сөзсіз. Ата-аналардың басым бөлігі каникул аяқталған соң, оқу процесі қалай ұйымдастырылатынын уайымдауда екенін білемін. Қазіргі уақытта оқуды қашықтан жүргізуге көмектесетін ақпараттық жүйелерді дайындап, тестілеудеміз. Кейбір сабақтарды телеарналар арқылы өткізуге болады. Бұл формат біздің оқушылар мен ұстаздар үшін үйреншікті емес, сондықтан педагогтердің жұмысына түсіністікпен жəне құрметпен қарауларыңызды сұраймын. Олар оқушыларын сағынды жəне мектепке келер сəтін асыға күтуде. Бұл – министрдің емес, жағдайға байланысты балаларымызда кенеттен пайда болған бос уақытты тиімді өткізуді жəне осы кезең бізді балаларымызбен жақындастыра түсуді қалайтын əкенің ұсыныстары ғана. Балапандарымыздың бақытты болуы біз бен Сізге тікелей байланысты. Өзіңіз бен жақындарыңыз аман болғай! Ізгі ниетпен, Асхат Аймағамбетов
• 25.03.2020 Еліміздегі коронавирус дертінен сақтану шаралары
• 21.03.2020 Қымбатты әріптестер, ата аналар, оқушылар және барша Қазақстандықтар! Баршаңызды Ұлыстың  Ұлы мерекесі - Наурыз тойымен құттықтаймыз!!! Керегесі ағаштан болған, Қабырғасы алаштан болған, Қазаны оттан түспеген, Азаматы аттан түспеген, Арыстарын абыз еткен. Данышпанын аңыз еткен. Салтының қасиеті бар. Қартының өсиеті бар. Қабырғалы Қазағым Наурыз мерекеміз құтты болсын! Барлықтарынызға зор денсаулық, қайтпас бақ тілейміз! Ақмола облысы, Жарқайың ауданының "Білім бөлімінің жанында интернаты бар Ақпан Үкібаев атындағы орта мектебі" ММ әкімшілігі.
• 20.03.2020 "Жақсы кітап - жан азығы" дегендей демалыс уақытында оқушыларды қызықты, сүйікті кітаптартарын қарауға буккросингтен қарауға ұсынамыз!
• 18.03.2020 Қауіпсіздік ережелерін сақтаңыздар! Коронавирустан сақтанудың жолдарын қадағалаңыздар!
• 12.03.2020 Премьер-министрдің орынбасары Ералы Тоғжанов елімізде коронавирустың алдын алу жағдайына байланысты 13 - наурыздан бастап көпшілік іс-шараларды өткізуге тыйым салынды. 16 - наурыздан бастап оқушылар каникулға, ал студенттер онлайн-оқытуға көшеді.
• 10.03.2020 8-наурыз халықаралық аналар мерекесіне орай тәлімсәтті 10 сынып оқушылары өткізді. Ұстаздарға арнап өлең, жыр-шумақтарын арнап, би биледі. Мектебімізде мектепалды даярлық, бастауыш, орта буын, жоғары сынып оқушылары мұғалімдерді, әжелерді, аналарды, қыздарды құттықтап, сыныптан тыс іс-шаралар ұйымдастырды.