Инклюзивті кабинеттің ашылу салтанаты!

Бүгін, ағымдағы жылдың 6 желтоқсанында Ақпан Үкібаев атындағы мектепте инклюзивті білім беруді қолдаудың жаңа кабинетінің салтанатты ашылуы өтті, онда педагогтар балаларға сөйлеу, коммуникативтік және тұрмыстық дағдыларын дамытуға және жетілдіруге көмектеседі.

Салтанатты ашылуында Жарқайың ауданының әкімі Жанболат Хамитов, ата-аналар мен мұғалімдерді инклюзивті білім беруді қолдау ресурстық кабинетінің ашылуымен құттықтады.

Мектепте инклюзияны қолдау кабинетінің ашылуы ерекше білім беру қажеттіліктері бар балаларды әлеуметтік ортаға, құрдастар мен мектеп өміріне бейімдеуге және әлеуметтендіруге мүмкіндік береді.

Инклюзияны қолдау кабинетінің бірегейлігі-әр баламен жұмыс оның жеке қабілеттері мен мүмкіндіктері деңгейінде құрылады.