Президенттік олимпиадаға дайындық

Мектебімізде дарынды оқушыларды қолдау және олардың білім деңгейін арттыру бағытында жүйелі жұмыстар жүргізілуде. Қазіргі таңда оқушыларды жаратылыстану-математикалық бағыттағы пәндер бойынша Президенттік олимпиаданың облыстық кезеңіне дайындау жұмыстары қарқынды түрде ұйымдастырылуда.

Оқушылардың олимпиадаға сапалы дайындалуына мектептің пән мұғалімдері ерекше көңіл бөлуде. Дайындық барысында математика, физика, химия және биология пәндері бойынша оқушылардың теориялық білімдерін тереңдету, күрделі есептерді шешу дағдыларын қалыптастыру және логикалық ойлау қабілеттерін дамытуға бағытталған қосымша сабақтар өткізіліп келеді.

Пән мұғалімдері әр оқушының жеке білім деңгейін ескере отырып, олимпиадалық тапсырмалармен жұмыс жүргізіп, өткен жылдардағы тапсырмаларды талдау, тестілеу, практикалық жұмыстар орындау және білімді пысықтау жұмыстарын жүйелі түрде ұйымдастыруда.