Ақпан Үкібаев атындағы жалпы білім беретін мектептің 20 жылдық мерейтойы

Жарқайың ауданында Ақпан Үкібаев атындағы жалпы білім беретін мектептің 20 жылдық мерейтойына арналған салтанатты іс-шара өтті.  Жарқайың ауданы әкімінің орынбасары А. Әбенова аудан әкімі Е. Жүсіпбековтың атынан мектеп ұжымын, оқушыларды және қонақтарды мерейтоймен құттықтап, білім ордасының аудан дамуына қосқан үлесін ерекше атап өтті. Сондай-ақ мектеп директоры А. Алдашевқа заманауи химия кабинетін алуға сертификат табыстады.  Білім бөлімінің басшысы Г. Нұрпейісова да құттықтау сөз сөйлеп, заманауи талаптарға сай LED-экранға сертификат табыстады.  Сонымен қатар, мектеп аты берілген Жарқайың ауданының негізін қалаушы Ақпан Үкібаевтың ұрпақтарына естелік сыйлықтар табысталды.  Іс-шара барысында педагогикалық еңбек ардагерлері мен ұстаздар естелік сыйлықтармен марапатталды.  Салтанатты кеш мерекелік концертке ұласты.

https://www.instagram.com/reel/DXjYsIhDNJa/?utm_source=ig_web_copy_link