Балабақша мен бастауыш сынып арасындағы сабақтастық.

Балабақша мен бастауыш сынып арасындағы сабақтастықты қамтамасыз ету мақсатында А.Үкібаев атындағы мектептің бастауыш сынып мұғалімдері балабақшаға сабаққа қатысып келді. Сабақ барысында балалардың жас ерекшеліктеріне сай ұйымдастырылған оқу әрекеттері, ойын арқылы оқыту әдістері, танымдық тапсырмаларды орындау дағдылары көрсетілді.
Сабаққа қатысу барысында мектепке дейінгі ұйым мен бастауыш сыныпта қолданылатын оқу мазмұнының өзара байланысы айқын байқалды. Бұл тәжірибе баланың мектепке психологиялық және танымдық тұрғыдан дайындығын қалыптастыруға, білім беру жүйесіндегі сабақтастықты нығайтуға ықпал етті. Алдағы уақытта да бірлескен іс-шараларды жүйелі түрде өткізу жоспарлануда.