Сәуір айының үшінші аптасында мектебімізде сурет көрмесі өтті. Бұл сурет көрмесін қаламыздағы “Даму орталығының “ басшысы Ибраева Бибігүл Төлегеновна ұйымдастырды. Көрменің бізде өту себебі,осы орталықтағы сурет үйірмесіне біздің мектептің төрт оқушысы қатысады. Олар: Спандиярова Диана 10 а, Мұхамбет Айнұр 8 а, Кәкімбек Жазира 2ә, Беріктас Кәусар 2а сынып оқушылары.
Көрменің мақсаты: оқушыларды сурет өнеріне қызықтыру және жас талантты суретшілердің жұмыстарымен таныстыру арқылы шығармашылыққа жетелеу. Оқушылар көрмеге қойылған суреттерге қызыға қарап балалардың жұмыстарына тәнті болды. Талапты оқушыларымызға шығармашылық шабыт тілейміз.